-
Bakının Binəqədi rayonunda 44 yaşlı qadının intihar etdiyi söylənir.
«Report»un xəbərinə görə, hadisə rayonun M.Ələkbərov küçəsində baş verib.
44 yaşlı Şəlalə Əliyeva essensiya turşusundan zəhərlənmə diaqnozu ilə 1 saylı Klinik Tibbi Mərkəzə yerləşdirilib.
Xəstəxanaya çatdırılsa da, onun həyatını xilas etmək mümkün olmayıb. Hüquq-mühafizə orqanları qadının intihar məqsədilə kimyəvi turşu içdiyini düşünürlər. Hadisənin səbəbi açıqlanmır. Qadının yaxınlarının istintaqa necə ifadə verdikləri də bilinmir.
Faktla bağlı CM-nin 125-ci (özünü öldürmə həddinə çatdırma) maddəsi ilə cinayət işi başlanıb.
Son vaxtlar ölkədə intiharların sayının artdığı bildirilir. Ancaq intiharların səbəbləri ayrıca araşdırılıb ictimaiyyətə açıqlanmır.