-
Ekologiya və Təbii Sərvətlər Nazirliyinin Milli Hidrometeorologiya Departamenti iyul ayı ilə bağlı hava proqnozunu açıqlayıb.
Bakı və Abşeronda gecə orta aylıq temperaturun 21-26 dərəcə isti olacağı gözlənilir. Gündüzlər 30-35, bəzi günlərdə 37-39 dərəcə isti proqnozlaşdırılır.
Aylıq yağıntının miqdarının iqlim normasına yaxın (norma 2-3 mm) olacağı qeyd edilir.
Azərbaycanın qərb rayonlarında orta aylıq temperaturun gecələr 20-25, gündüzlər 27-32, bəzi günlərdə 34-38 dərəcəyədək yüksələcəyi ehtimal edilir.
Aran rayonlarında isə bəzi günlərdə 38-41 dərəcə isti gözlənilir.