Keçid linkləri

2016, 11 Dekabr, bazar, Bakı vaxtı 12:27

Qalmaqallı həkimə cinayət işi açılıb


-

Diabet xəstəliyindən əziyyət çəkən Tərlan Məmmədovanın diaqnoz qoyulan sol ayağı əvəzinə sağ ayağının kəsilməsi ilə bağlı cinayət işi açılıb.

Bu haqda Baş Prokurorluğun məlumatında bildirilir.

Məlumatda qeyd edilir ki, Səhiyyə Nazirliyinin Xüsusiləşdirilmiş Angioloji Mərkəzində həkim-cərrah Valeh Kərimovun T.Məmmədovanın sağlamlığına ağır zərər vurması haqda Yasamal Prokurorluğuna daxil olmuş məlumat araşdırılıb.

«Araşdırma zamanı toplanmış materialda T.Məmmədovanın sağlamlığına ehtiyatsızlıqdan ağır zərər vurma cinayətinin əlamətləri müəyyən edilib. Fakta əsasən rayon prokurorluğunda Cinayət Məcəlləsinin 131.2-ci (ehtiyatsızlıqdan sağlamlığa ağır zərər vurma) maddəsi ilə cinayət işi başlanıb»,-deyə Baş Prokurorluq bildirir.

HƏKİM DİNDİRİLİB, SƏRBƏST BURAXILIB

Həkim-cərrah Valeh Kərimov artıq istintaqa ifadə verib. O, istintaqdan sonra sərbəst buraxılıb.

Bu haqda APA-ya həkimin özü xəbər verib.

O qeyd edib ki, bu gün (25 iyun) Yasamal rayon Prokurorluğuna dəvət edilərək ifadəsi alınıb.

«İstintaqa hər şeyi olduğu kimi dedim. Bu iş hər bir həkimin başına gələ bilər. Əvvəlcədən nə isə demək istəmirəm. Məsələni hüquq-mühafizə orqanları araşdırır. Araşdırmanın nəticəsini də biləcəksiniz», - deyə həkim bildirib.

Günün bütün mövzuları

XS
SM
MD
LG