Keçid linkləri

logo-print
2016, 05 Dekabr, Bazar ertəsi, Bakı vaxtı 08:56

-

Türkiyə yığmasının baş məşqçisi Fatih Terim Çexiya ilə iyunun 21-də keçiriləcək sonuncu qrup oyunu ərəfəsində qeyd edib ki, artıq böhranı arxada qoymağın və nəticə qazanmağın vaxtıdır.

Xatırladaq ki, D qrupunda qərarlaşan Çexiyanın 1 xalı var, Türkiyənin isə xalı yoxdur. Terimin UEFA-nın rəsmi saytında yer alan açıqlamasında belə deyilir:

“Həmişə deyirdim ki, bu, “ölüm qrupu”dur və qrupdan çıxmaq çətin olacaq. AÇ-yə qədər keçirdiyimiz 16-17 oyun ilə müqayisə edəndə indi yığmamızın eniş yaşadığını deyə bilərik. Vəziyyətin dəyişəcəyinə ümid edirəm, ancaq problemlərimizin olduğu şübhə doğurmur. Oyun maraqlı olacaq: hər iki komandaya qələbə lazımdır. Oyun şahmat partiyasına bənzəyəcək. Çexiya yığması “bərk qozdur”. Xorvatiya ilə oyunda 0:2-dən sonra hesabı bərabərləşdirə bildilər. Onlarla ehtiyatlı olmaq lazımdır. Biz bitdi demədən bitməz – bu bizim devizimizdir. Nəticə qazanmağın vaxtıdır. Bəzən futbolda heç də hər şey sənin ssenarinə uyğun olmur. Amma ümid edirəm ki, bu böhranı arxada qoyacaq və başqa şeylər haqda düşünməyə başlayacağıq."

XS
SM
MD
LG