Keçid linkləri

2016, 09 Dekabr, Cümə, Bakı vaxtı 17:43

-

«Azərbaycan Beynəlxalq Bankı» (ABB) ASC-nin səhmlərinin bazar dəyərinin azaldığı bildirilir.

Bu barədə «Report» səhmlərin alqı-satqısı ilə bağlı vasitəçilik xidməti göstərən «Kapital Menecment» investisiya şirkətinə istinadən xəbər verir.

Məlumatda qeyd edilir ki, hazırda qiymətli kağızlar bazarında ABB-nin 1 səhminə 0.06 manat təklif olunur. Halbuki, ayın əvvəlində bu qiymət 0.07 manat olub.

Başqa sözlə, yarım ay ərzində səhmlərin dəyərini 14 faiz itirdiyi qeyd edilir.

Bankın ötən ili 824 mln. manata yaxın zərərlə başa vurduğu bildirilirdi.

Ötən ilin sonuna ABB-nin nizamnamə kapitalının 641.287 mln. manat olduğu deyilirdi. Bu məbləğin hər birinin nominal dəyəri 0.27 manat olan təxminən 2375.1 mln. səhm əsasında formalaşdığı qeyd edilir.

Günün bütün mövzuları

XS
SM
MD
LG