-
Almaniyanın xarici işlər naziri Frank-Walter Steinmeier NATO-nun Şərqi Avropadakı hərbi təlimlərini «müharibə qızışdırıcı» kimi qiymətləndirib.
İyunun 19-da yerli mediaya açıqlamasında nazir deyib ki, Şərqi Avropa sərhədləri yaxınlığında tankların rəmzi paradını keçirməklə Alyansda təhlükəsizliyi inkişaf etdirməyi düşünmək səhvdir.
NATO iyunun 13-də bəyan edib ki, Krımın ilhaqından və Ukrayna separatçılarına verdiyi dəstəkdən sonra Rusiyanın təcavüzündən narahat olan Estoniya, Latviya, Litva və Polşaya yeni batalyon göndərə bilər.
NATO-nun Baş katibi Jens Stoltenberg iyunun 16-da deyib ki, Rusiya Alyansa daxil olan ölkələrlə sərhəddə hərbi məqsədlər üçün yer arayır.
Rusiya NATO-nun keçmiş sovet respublikaları hesabına genişlənməsinə qarşıdır və bunu özünə qarşı təhlükə sayır.