-
«Formula-1» Bakı Qran-prisində üçüncü test yürüşü başa çatıb.
Yürüşün qalibi «Mercedes» komandasının üzvü Lewis Hamilton olub. İngiltərəli idmançı 1:44.352-lik nəticə göstərib.
Onu «Mercedes»in digər pilotu Nico Rosberg (1:44.610) izləyib.
Üçüncülüyü isə «Force India» komandasından Nico Hülkenberg (1:45.540) qazanıb.
İyunun 17-də keçirilmiş ilk iki yürüşdə də L.Hamilton qalib olmuşdu.
«Turan»ın xəbərinə görə, 3-cü yürüşə 11 komandadan 22 pilot qatılıb. Yarışma 1 saat sürüb.
İyunun 18-i günün ilk yarısında P2 üzrə birinci yarış keçirilmişdi. 32 dövrəlik yarışın qalibi Antonio Giovinazzi (Prema Racing) olmuşdu.
Saat 17:00-dan 18:00-a kimi isə «Formula-1»in sıralama turu olmalıdır.