İyunun 13-də Bakıda və Abşeron yarımadasında havanın dəyişkən buludlu olacağı, gün ərzində əsasən yağmursuz keçəcəyi gözlənilir.
Ekologiya və Təbii Sərvətlər Nazirliyinin Milli Hidrometeorologiya Departamentindən APA-ya verilən məlumata görə, Bakıda gecə 16-18, gündüz 24-26, Abşeronda gecə 16-19, gündüz 23-28 dərəcə isti olacaq.
Sabah ölkənin rayonlarında isə yağış yağacağı, şimşək çaxacağı, gözlənilir. Lənkəran–Astara zonasında yağışın intensiv olacağı ehtimal edilir. Gecə 14-19, gündüz 26-31, dağlarda gecə 8-13, gündüz 14-19 dərəcə isti olacaq.