Keçid linkləri

2016, 11 Dekabr, bazar, Bakı vaxtı 08:18

Gürcüstanın separatçı Abxaziya bölgəsi Rusiyaya birləşməklə bağlı referendum keçirmək fikrində deyil.

RİA Novosti-nin məlumatına görə,bunu iyunun 10-da tanınmayan Abxaziya hökumətinin başçısı Artur Mikvabiya bəyan edib.

Onun sözlərinə görə, Sxumi Cənubi Osetiyanın ardınca getmək fikrində deyil.

Qeyd edək ki, Gürcüstanın digər separatçı bölgəsi Cənubi Osetiya 2017-ci ildə belə bir referendum keçirmək fikrindədir.

Mikvabiya deyib ki, Abxaziya Rusiyaya etibarlı və sadiq dost olan “müstəqil dövlət” kimi qalmaq istəyir.

Qeyd edək ki, Rusiya 2008-ci ildə Gürcüstanla qısa müharibədən sonra bu separatçı bölgələri müstəqil dövlətlər kimi tanıyıb.

Amma beynəlxalq aləm onları müstəqil ölkə kimi tanımır və Gürcüstanın qanuni ərazisi hesab edir.

Günün bütün mövzuları

XS
SM
MD
LG