-
İyunun 8-i Bakı və Abşeron yarımadasında arabir yağış yağacağı, şimşək çaxacağı bildirilir.
Ekologiya və Təbii Sərvətlər Nazirliyinin Milli Hidrometeorologiya Departamentinin xəbərinə görə, Abşeronda gecə 16-21, gündüz 22-26, Bakıda gecə 18-20, gündüz 23-25 dərəcə isti olacaq.
Ölkə rayonlarında da şimşək çaxacağı, arabir yağış yağacağı gözlənilir. Bəzi yerlərdə yağıntının leysana çevriləcəyi, dolu düşəcəyi ehtimal edilir. Gecə 15-20, gündüz 25-30, dağlarda gecə 8-13, gündüz 13-17 dərəcə isti olacaq.
Son bir həftədə ölkənin Qərb rayonlarına dolu düşdüyü bildirilir. Nəticədə əkin sahələrinə ciddi ziyan dəydiyi qeyd edilir.