Keçid linkləri

2024, 28 Mart, Cümə axşamı, Bakı vaxtı 23:47

İpoteka şərtləri yumşalacaqmı?


►Ekspert Maliyyə Bazarlarına Nəzarət Palatasının ipoteka barədə açıqlamasını şərh edir

Azərbaycan İpoteka Fondu Açıq Səhmdar Cəmiyyətinin yaradılması başa çatandan sonra ipoteka kreditlərinin verilməsi davam etdiriləcək.

Maliyyə Bazarlarına Nəzarət Palatası belə deyir və bildirir ki, Fondun vəsaiti hesabına ipoteka kreditlərinin verilmə qaydalarında hələ dəyişiklik yoxdur:

“İpoteka kreditləri ilə bağlı “Kredit təşkilatlarında sağlam kreditləşmə və məsuliyyətli borclanma Prinsipləri”ndə müəyyən olunmuş meyarlar yalnız bankların öz vəsaitləri hesabına verdikləri ipoteka kreditlərinə şamil edilir. Bu prinsiplərə əsasən, xarici valyutada ipoteka kreditləri verilməməlidir. Milli valyutada verilən ipoteka kreditlərində kreditin təminata olan nisbəti isə 70 faizdən çox olmamalıdır”.

Ekspert Palatanın arqumentini qəbul etmir

Əmlak məsələləri eksperti Rəşad Əliyev Palatanın arqumentləriylə razılaşmır:

“Bank verdiyi ipoteka kreditlərinə görə eyni cür məsuliyyət daşıyır. Necə ola bilər ki, bank İpoteka Fondunun vəsaitləri hesabına olan ipotekanı 15-20 faiz (sosial ipoteka – 15 faiz, adi ipoteka – 20 faiz) ilkin ödənişlə rəsmiləşdirsin, ancaq öz daxili proqramı ilə ipoteka kreditləşməsinə başqa tələblər qoyulsun. Hər iki əməliyyatin iqtisadi mahiyyəti eynidir”.

____________________________________________________________

Bunlara da bax:
Rusiya ABŞ-dan 9 dəfə geri qaldığını etiraf etdi
Qarabağı işğal edən generalın qayıtması narahatlıq yaradıb

____________________________________________________________

“30 faiz ilkin ödəniş tələbi kreditləşdirmə həcmini azaldacaq”

Kreditin təminata olan nisbətinin 70 faizi aşmaması tələbinə gəlincə, ekspert deyir ki, bu halda bank öz vəsaitləri ilə ipoteka kreditlərini ən aşağısı 30 faizlik ilkin ödənişlə verəcək:

“30 faizlik ilkin ödəniş tələbi kreditləşdirmə həcmini azaldacaq və tikinti sektoruna mənfi təsir göstərəcək. Axı yeni tikililərdə mənzil satışının kreditləşdirilməsi 2 üsulla aparılır: tikinti şirkətinin kreditləşdirməsi və ya bank kreditləri hesabına”.

R.Əliyevin fikrincə, Palatanın açıqlaması Fond vəsaitindən ipoteka kreditlərinin verilmə qaydalarında dəyişiklik olmadığını göstərir:

“Dəyişikliklər yoxdur, ancaq eyni zamanda kreditləşmə də yoxdur. Ancaq belə qənaətə gəlmək olar ki, ilkin ödənişlə bağlı tələblərdə yumşalma olması ehtimalı azalıb”.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG