Keçid linkləri

logo-print
2016, 06 Dekabr, çərşənbə axşamı, Bakı vaxtı 09:55

A.Sancar: İslam dünyası son 500 ildə elmə töhfə verməyib, bunu düzəltməliyik


Aziz Sancar

Aziz Sancar

-

Dünən Türkiyənin Yıldız Texniki Universitetinin Mədəniyyət Mərkəzində Türkiyə Zəkalılar Dərnəyinin keçirdiyi bir tədbirdə Nobel mükafatlı türk alim Aziz Sancar deyib:

"İslam dünyası son 500 ildə elmə doğru-dürüst töhfə verməyib. Bunu düzəltməliyik."

Aziz Sancarın tədbirdəki çıxışından seçmələr:

"Daha gözləyə bilmərik. 2023 deyirik. İnşalah 2023-cü ildə olar. Onda olmasa, 2033-də olsun, amma ondan da 25-30 il sonranı gözləyə bilmərik. Artıq Amerika və Avropa səviyyəsinə qalxmamız lazımdır. Elm və texnologiya ilə maraqlanan uşaqlarımızı dəstəkləməliyik, onların inkişafını asanlaşdırmalıyıq..."

Aziz Sancar kimdir?

"Mən üstün zəkalı deyiləm. Üstün zəkalı uşaqlar var və onları təbrik edirəm. Onlara uğurlar arzu edirəm və onlara əlimizdən gələn qədər dəstək verməliyik. Amma uğurlu olmaq Nobel almaq deyildir. Uğurlu olmaq ailənizə, ölkənizə, vətəninizə, insanlığa xidmət etmək deməkdir."

Aziz Sancar

Aziz Sancar

"Bir ayaqqabı rəngləyən, bir müəllim, bir rektor, yaxud Nobel almış bir elm adamının işini yaxşı görməsi uğurdur. Nə ediriksə edək, əlimizdən gələn ən yaxşısını etməyə çalışaq. Bu, bir ölkənin uğurudur. Bu düşüncəni uşaqlarımıza başa salmalıyıq. Bu düşüncəni onlarda inkişaf etdirməliyik."

"Əvvəlcə bu tədbirə gəlmək istəmirdim. Bu tədbirə görə yox, heç bir yerə getmək istəmirəm. Amma gələndə çox sevindim. Mənim də bir az qatqım olsun dedim. Elm yapmalıyıq. İnsanlığın elm xəzinəsinə qatılmalıyıq. Niyə etmirik? Yalnız Türkiyə deyil, bütün İslam dünyası son 500 ildə elmə doğru-dürüst töhfə verməyib. Bu, həqiqətdir. Bunu düzəltməliyik."

"Elm kültürünü inkişaf etdirmək bir ənənə olmalıdır. Bu, Amerikada bir çox seminarın mövzusu olub. Yəhudi qardaşlarımız dünya əhalisinin 0,2 faizini təşkil edirlər, amma elm Nobellərinin yüzdə 20-sini alıblar. Onlar bütün insanlardan daha zəkalıdırlar? Yox, deyillər. Onların kültüründə təhsilə, elmə önəm verilir. Bu, yüzillərlə belə olub.

Bunu ölkəmizdə də inkişaf etdirməliyik. Bunu etdikcə bizdə də 100 ildə bir dənə elm sahəsində Nobel almış türk elm adamı deyil, 10-20 elm adamı olar. İnşallah, bu kimi fəaliyyətlərlə uşaqlarımızı elmə, elm kültürünə alışdırmağa davam edər və gələcək əsrdə inşallah, bizdən sonrakı nəsillər artıq "Aziz Sancar və ya İsmail Arslan Nobel alıb, dəvət edək" deməz, zatən hər kəs Nobel alır deyə, fikir də verməz. Arzum budur.

"İşləsəniz, Nobel öz-özünə gələcək. Mən Nobel almaq üçün araşdırma yapmadım. Nobel bir insanın və ya cəmiyyətin insanlığa töhfəsinin tam ölçüsü deyil. Biz uşaqlarımızı yaxşı yetişdirməklə vəzifəmizi yerinə yetiririk. Onlar da ölkəmizə, insanlığa xidmət edərlər".

"Məncə, hər kəsin zəkası eynidir. Üstün zəkalılar deyirsiniz. Bilmirəm, zəka necə ölçülür? Dünyanın ən üstün zəkalı insanı normal bir həkimdir. IQ Testi nəyi ölçür, bilmirəm. Mən orta zəkalı bir insanam. Mən çox çalışaraq uğurlu oldum. Zəka, istedad subyektiv bir şeydir, məncə."

Mövzu müzakirəyə açıqdır. Sən də öz fikirlərini şərhlər bölümünə yaza bilərsən

Həmçinin bax:

Günün bütün mövzuları

Şərhləri göstər

XS
SM
MD
LG