-
Chuck Palahniuk romanına film çəkdirmək üçün tamaşaçılardan pul yığır. Onun "Layla" romanı əsasında film çəkilişi "Kickstarter"-da topladığı pulla başa gələcək.
"Layla" - detektivdir, öz uşağı da daxil olmaqla uşaqları qətlə yetirən adam haqqındadır. Təhqiqat vaxtı müstəntiq qəttlərlə bir layla melodiyası arasında əlaqə aşkar edir, sanki qatil yalnız o laylanı eşidən uşaqları öldürür.
Palahniuk film çəkilişində ssenari həmmüəllifi və icraçı prodüser, rejissorlar isə Andy Mingo və Josh Leake olacaq.
"Kickstarter" kampaniyası keçirməkdə hədəfi 250 min dollar toplamaqdır. Şirnikləndirici qaydalara görə, ona 40 dollar verən adam "virtual rejissor" adı qazanır, 25 min yatıran adam isə rejissordan telefon zəngi, çəkiliş meydançasına girmək imkanı, xüsusi "rejissor" kürsüsü qazana bilər.
Filmin 2018-ci ildə ekranlara çıxacağı bildirilir.
