-
Qulaq asın!
Bu ulduzları belə
hər gecə
neyçün yandırırlar?
Yəqin kiməsə lazımdı
Yəqin yanmalarını istəyən kimsə var
və yəqin kimsə
bu vəlğəm parçalarına
inci deyib sayıqlayır
və minib bir günorta toz burulğanına
Tanrı qatına qalxır
gecikmək qorxusu ürəyində
ağlayır,
öpür onun qüvvətli əlindən,
yalvarır -
ki mütləq olsun ulduzlar
yaxarır -
ki çox dözməz bu əzabla
və sonra gedir
içi təlatümlü
üzdən sakit görünməyə çalışaraq.
Kimsə soruşur ondan:
"Yaxşı oldunmu? Qorxmursan ki daha, hə?"
Qulaq asın!
bunları ki hər gecə yandırırlar
yəqin kiməsə lazımdırlar
yəqin şərtdir ki
hər gecə
damların üstündə
bir
bircə ulduz da olsa yansın?!
