Keçid linkləri

2016, 10 Dekabr, şənbə, Bakı vaxtı 17:04

-

Mayın 16-da Tbilisidə Şərq-Qərb enerji dəhlizinin 20 illiyinə həsr olunmuş tədbir keçirilib. Tədbirdə Azərbaycanı baş naziri Artur Rasizadənin rəhbərlik etdiyi nümayəndə heyəti təmsil edib.

AZƏRTAC-ın xəbərinə görə, tədbirdə çıxış edənlərdən Gürcüstanın baş nazirinin müavini Kaxa Kaladze Şərq-Qərb enerji dəhlizinin əhəmiyyətindən danışıb.

Bakı-Supsa kəmərinin təməlinin qoyulması ilə regionda yeni eranın başlandığını bildirən K.Kaladze belə layihələrin Cənubi Qafqazda sülh və təhlükəsizliyin qarantı olduğunu ifadə edib.

«Şərq-Qərb» enerji dəhlizinin əsası Bakı-Supsa neft ixrac kəməri ilə qoyulub. 1996-cı il martın 8-də Azərbaycan və Gürcüstan arasında ilkin neftin nəqlinə dair hökumətlərarası saziş imzalanıb. Bununla da Bakı-Supsa neft ixrac kəməri layihəsinə start verilib.

Uzunluğu 830 kilometr, layihə gücü ildə 5.1 milyon ton olan bu kəmərin istismara buraxılması ilə Şərqlə Qərbi birləşdirən enerji dəhlizinin təməli qoyulub.

1999-cu il aprelin 17-də kəmərin açılış mərasimi keçirilib. Bakı-Supsa Azərbaycan neftini dünya bazarına müstəqil marşrutla çıxaran və enerji təhlükəsizliyinə beynəlxalq dəstəyi təmin edən ilk kəmərdir.

Həmin vaxtdan bu kəmərlə 76.3 milyon ton neft nəql olunduğu bildirilir.

Günün bütün mövzuları

XS
SM
MD
LG