-
Prezident İlham Əliyev mayın 7-də Beynəlxalq Cüdo Federasiyasının prezidenti Marius Vizer-i qəbul edib.
Prezident.az-ın xəbərinə görə, ölkə başçısı qonağa Azərbaycanda cüdonun populyarlığından, yerli idmançıların beynəlxalq yarışlarda uğurlu çıxışından danışıb.
Marius Vizer Bakıda keçirilən cüdo yarışlarının yüksək səviyyədə təşkilindən məmnunluğunu ifadə edib. O, 2016-cı il Rio-de-Janeyro Yay Olimpiya Oyunlarında cüdo idmanı ilə bağlı aparılan hazırlıq işlərindən bəhs edib.
Bakıda cüdo üzrə «Böyük dəbilqə» beynəlxalq turniri keçirilir. Federasiya prezidenti yarışlarla əlaqədar Bakıdadır.