Yanvar-aprel aylarında Neft Fonduna «Azəri-Çıraq-Günəşli» yataqlar blokunun mənfəət neftinin və «Şahdəniz» yatağı üzrə qazın satışından ümumilikdə 1,538 milyard dollar vəsait daxil olub.
Bu haqda fondun məlumatında bildirilir.
Məlumatda qeyd olunan məbləğin 1,493 milyardının «Azəri-Çıraq-Günəşli» neftinin payına düşdüyü qeyd olunur. Yerdə qalan 45 milyon dollarsa «Şahdəniz» qazının satışından əldə olunub.
2001-ci ildən bu yana Neft Fonduna «Azəri-Çıraq-Günəşli» neftindən 118,502 milyard, «Şahdəniz» qazının satışından isə 2 milyard yarım dollara yaxın vəsait daxil olub.