Keçid linkləri

2016, 09 Dekabr, Cümə, Bakı vaxtı 04:09

-

Məhəmməd Tanhu

Liliput sayıqlamalar

“Quran”da hər şey yazılıb, deyirlər

gözlərimi eynəktək açıb oxudum, çox oxudum.

ilk məktubum haqqı, getməyin yazılmamışdı.

xxx

insan ağrılarıyla insanlaşırsa,

olğunlaşırsa, ucalırsa

qəmin gözə gəlməsin!

ağrın əlin üzməsin!

xxx

yağış nizətək töküləndə şəhərə

diksinər nimdaş pencəklər

udqunar çatlaq pəncərələr,

gur eşidilər şüşəsinin ürək döyüntüləri

xxx

qayıtmağın dözülən ağırlığı

əvvəlcə görüşlər azalar

sonra gülüşlər.

sevgi həmişə “az”lığa uduzur:

az darıxmağa, az xatırılamağa

gedənlərdən “heç kim” qayıtmayacaq, deyir şair

heç kim böyük rəqəmdir axı

bu inqilabi getməyi döndərək qayıtmağa.

üzsüz dediklərimiz, elə o üzlə qayıtsınlar

deyirəm, üzüsulu qayıtsınlar,

biz qurudarıq üzlərini öpüşlərimizlə.

xxx

yerin üçdə ikisi suyla örtülü, deyir okean yaşlı səyyah

bəlkə bundandır adamların ağlamağa meyli

axı, yerdə cazibə qüvvəsi mövcud.

xxx

süpür göz yaşlarını gözlərimin küçəsindən

daha nəm yerlərdə yeriyə bilmirəm

xxx

daha tək deyilsən, şair

ağciyərində xərçəngin var

bəs heyvanları sevmirdin?

xxx

aysberqlə toqquşan “Titanik”dir,

bir yazarın ölümü.

xxx

Qeyd: Yaralı qəlbin səsi olmur, iniltisi olur.

xxx

Adamlar doğmalarını isti qumlarda basdırırdı

Uğurlar həyata keçirdi ölümə hazırlıq məşğələləri

xxx

“Tənha yaşayanların manifesti” kitabının ilk cümləsi:

cavabı məlum suallar, ən qorxulu suallardır.

siz, bizim sentimentallaşdırdıqlarımızdansınızmı?

xxx

AY, küçədə gəzişən aç tifillərin gözündə

yarım çörək kimi görünər hər gecə

xxx

kölgəsi özündən hörmətli, iyerosximonax

özgə birinin sənin üçün etdiyi duanın

qəbulolma ehtimalı

beş yüz on milyon kvadrat kilometrlik həqiqətdən

neçə dəfə kiçikdir?

xxx

anatomik-humanistik cəhətdən

sxolastik-romantik cəhətdən

və tematik-problematik cəhətdən

sənə aşiqəm.

Günün bütün mövzuları

XS
SM
MD
LG