Keçid linkləri

2016, 06 Dekabr, çərşənbə axşamı, Bakı vaxtı 18:30

«Bu, Ermənistan rəhbərliyinin növbəti təxribatıdır».

Prezidenti Administrasiyası rəhbərinin müavini Novruz Məmmədov Ermənistan parlamentinin iki üzvinin hökuməti Dağlıq Qarabağdakı separatçı rejimin müstəqilliyini tanımağa çağırmasını belə dəyərləndirib.

AZƏRTAC -ın xəbərinə görə, N. Məmmədov deyib ki, görünür, bu aprelin əvvəllərində həyata keçirilən təxribatın davamıdır: «Onlara cavab veriləcəyini bilirdilər. Əsas məqsədləri də bunu bəhanə edərək danışıqlar prosesini pozmaq, status-kvonu saxlamaqdır. Ermənistan tərəfi bir daha sübut edir ki, onlar üçün beynəlxalq hüquq, BMT-nin Təhlükəsizlik Şurasının qətnamələri, eləcə də danışıqlar prosesi heç bir əhəmiyyət daşımır. Düşünürəm ki, həmsədrlər bu məsələyə mütləq münasibət bildirməlidirlər».

BMT Təhlükəsizlik Şurası hələ 1993-cü ildə işğal edilən rayonların qeyd və şərtsiz boşaldılması ilə bağlı 4 qətnamə qəbul edib. Ancaq bu qətnamələr yerinə yetirilməyib.

Dağlıq Qarabağ münaqişəsi 1988-ci ilin fevralında alovlanıb.

Erməni silahlı qüvvələri ötən əsrin 90-cı illərin əvvəllərində Azərbaycanın Dağlıq Qarabağ vilayəti və onun ətrafında 7 rayonu işğal edib. 1994-cü ildə atəşkəs haqda saziş imzalanıb və sülh danışıqları başlayıb. Ancaq, hələlik, tərəflər arasında yekun sülhün şərtlərini razılaşdırmaq mümkün olmayıb.

Danışıqlara ATƏT-in Minsk Qrupunun həmsədrləri vasitəçilik edir. Bu qrupa ABŞ, Fransa və Rusiya daxildir.

XS
SM
MD
LG