Keçid linkləri

2016, 09 Dekabr, Cümə, Bakı vaxtı 23:28

Cəbhəboyu zonada səfərdə olan müdafiə naziri Zakir Həsənov yüksək dağlıq şəraitdə döyüş növbətçiliyi aparan şəxsi heyətlə görüşüb.

O, ali baş komandanın ordu qarşısında qoyduğu tapşırıqları diqqətə çatdırıb. Bu haqda Müdafiə Nazirliyi xəbər verir.

Nazirlik bildirir ki, Z. Həsənov cəbhə bölgəsində əsaslı monitorinq aparıb. Müdafiə xəttinin dayanıqlığı, qoşunların atəş imkanları, ərazidə mühəndis-istehkam qurğularının durumu yoxlanıb.

Habelə, mövqelərdəki şəxsi heyətin maddi-texniki təminatının təşkili, mənəvi-psixoloji durumu, döyüş texnikası, silah-sursat və digər vasitələrin tam hazırlığına diqqət yetirilib.

Müdafiə nazirinin şəxsi heyətin döyüş hazırlığına diqqətin daha da artırılması ilə əlaqədar müvafiq göstərişlər verdiyi bildirilir.

Zakir Həsənov bir gün əvvəl də cəbhə xəttindəki səngərlərə baş çəkmişdi.

Günün bütün mövzuları

XS
SM
MD
LG