Gədəbəy rayonunda intihar hadisəsinin baş verdiyi bildirilir. Talakənd kəndinin sakini, 61 yaşlı Fəxrəddin Əliyevin asılmış meyiti aşkarlanıb.
Bu haqda rayon prokurorunun köməkçisi Anar Nağıyev məlumat verib.
ANS PRESS-in xəbərinə görə, F.Əliyevin asılmış meyitini ailə üzvləri aşkar ediblər. O, kənd məktəbinin direktoru imiş.
Faktla bağlı Gədəbəy Rayon Prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsi ilə iş açılıb, araşdırma aparılır.
Ölümün səbəbləri barədə bilgi verilmir.
Aprelin 24-də Qax rayonunun Şotavar kəndində oxşar olay baş vermişdi. Kənd məktəbinin emalatxanasında çalışan Qüdrət Məcidovun da özünü asdığı bildirilirdi.