Keçid linkləri

2016, 08 Dekabr, Cümə axşamı, Bakı vaxtı 02:19

-

Son bir ildə dünyada media azadlığında kəskin eniş müşahidə olunub. Türkiyə, Polşa, Tacikistan və Misir kimi ölkələrdə hökumət mediaya məhdudiyyətləri gücləndirib.

Sərhədsiz Reportyorlar Təşkilatı (RSF) aprelin 20-də Ümumdünya Mətbuat Azadlığı İndeksini yayıb.

RSF dünyanın bir çox yerində informasiya azadlığında geriləmə olduğunu vurğulayır. Müstəqil media “dini ideologiyalar”ın, “genişmiqyaslı təbliğat maşınları”nın yaratdığı təhlükəylə üz-üzə qalıb.

“Oliqarxlar media orqanlarını alır və onlara təzyiq göstərir, bu təzyiq, eyni zamanda, hökumətlərdən də gəlir”, RSF bildirir.

Dünyada mətbuat azadlığına görə ilk yerləri Finlandiya, Niderland, Norveç, Danimarka və Yeni Zelandiya tutur. Son yerlərdə isə Çin, Suriya, Türkmənistan, Şimali Koreya və Eritrea qərarlaşıb.

Reytinqi ən çox düşən ölkələr arasında Tacikistan da yer alıb. RSF bildirir ki, Prezident Emomali Rahmon narazıları susdurmaqdan ötrü antiterror tədbirlərindən istifadə edib.

Azərbaycan 180 ölkə arasında 163-cü yerdə qərarlaşıb. Rusiya 148, Ermənistan 74, Gürcüstan 64-cü yerləri tutub.

Günün bütün mövzuları

XS
SM
MD
LG