Keçid linkləri

2016, 08 Dekabr, Cümə axşamı, Bakı vaxtı 14:22

-

Prezident İlham Əliyevlə Rusiyanın baş naziri Dmitry Medvedev arasında təkbətək görüş keçirilib.

Bu barədə AZƏRTAC xəbər yayıb. Ancaq dövlət agentliyi görüşün detalları haqda, hələlik, geniş bilgi vermir.

APA-nın xəbərinə görə isə, İlham Əliyev bu görüşdə deyib ki, Azərbaycan və Rusiya arasında əlaqələr intensiv inkişaf edir.

Prezident son günlər cəbhə xəttində baş verənlərdən də danışıb. Onun deməsinə görə, Ermənistan silahlı qüvvələri son günlər növbəti dəfə təxribata əl atıblar: «Azərbaycan cavab addımı atıb. Rusiyaya eskalasiyanın dayandırılması yönündə səylərinə görə təşəkkür edirəm. Rusiya prezidenti Vladimir Putin mənə və Ermənistan prezidentinə zəng edib».

Dövlət başçısı qeyd edib ki, Dağlıq Qarabağ münaqişəsi beynəlxalq hüquq normaları və Azərbaycanın ərazi bütövlüyü əsasında həll edilə bilər.

Rusiyanın baş naziri D.Medvedev isə bildirib ki, iki ölkə arasında münasibətlər strateji tərəfdaşlıq xarakteri daşıyır: «Dağlıq Qarabağ münaqişəsinin gərginləşməsi adi situasiya deyil. Rusiya BMT Təhlükəsizik Şurasının və ATƏT-in Minsk Qrupunun üzvü kimi münaqişənin həllinə çalışır. Danışıqlar davam etdirilməlidir. Rusiya bu məsələnin həlli istiqamətində əlindən gələni əsirgəməyəcək».

GENİŞTƏRKİBLİ GÖRÜŞ OLUB

Aprelin 8-də Azərbaycan prezidenti İlham Əliyevin Rusiya baş naziri Dmitry Medvedev-lə məhdud tərkibdə görüşündən sonra tərəflər arasında geniş sayda toplantı keçirilib.

Xəbər AZƏRTAC yayıb.

Rusiya baş naziri aprelin 8-də Azərbaycana gəlib. O, bir gün əvvəl Ermənistanda olub.

Günün bütün mövzuları

XS
SM
MD
LG