Keçid linkləri

2016, 11 Dekabr, bazar, Bakı vaxtı 17:58

-

Dünyanın ən böyük uşaq kitabları sərgisi olan Bolonya Uşaq Kitabları Sərgisi açılıb. Hər il 4-7 apreldə keçirilən sərgidə 50-dən çox ölkənin nümayəndələri, minlərlə iştirakçı olur.

Uşaq kitablarıyla maraqlanan tamaşaçılarla yanaşı, dünyanın müxtəlif ölkələrindəki nəşriyyat, yazıçı, illüstrator və tərcüməçilərin də qatıldığı bu kitab sərgisi 1963-cü ildən bu yana keçirilir. Builki fəxri qonaq-ölkə Almaniyadır, Almaniya uşaq kitablarıdır.

Sərgi çərçivəsində konfranslar, tərcümə və kitab illüstrasiyası atelyeləri, həmçinin uşaqların da iştirak edə biləcəyi əyləncəli tədbirlər olur.

Növbəti illərdə çap olunacaq uşaq kitabları üçün müxtəlif ölkələrin nəşriyyatları arasında vasitəçilik edən ədəbiyyat agentləri yeni müqavilələr bağlayacaqlar.

Uşaq ədəbiyyatı üçün nüfuzlu Andersen Mükafatının 2016-cı il qalibləri çinli yazıçı Cao Wanxuan və alman illüstrator R.S.Berner-ə tədbirdə xüsusi diqqət olacaq.

Azərbaycan tədbirin iştirakçılar siyahısında yoxdur.

Günün bütün mövzuları

XS
SM
MD
LG