Keçid linkləri

logo-print
2016, 06 Dekabr, çərşənbə axşamı, Bakı vaxtı 07:13

"Bir sürü doktor və namizədimiz olduğu halda alimimiz çox az" (Məktub)


Əziz Şərif və Abbas Zamanov

Əziz Şərif və Abbas Zamanov

-

"Sovet ədəbiyyatının Moskvada çap olunan tarixində ədəbiyyatımıza 15-cə səhifə yer verilmişdir. Erməni ədəbiyyatına isə 45 (üçqat artıq) və gürcü ədəbiyyatına 51 səhifə yer verilmişdir. Niyə belə olub? Ona görə ki, Nizami adına Ədəbiyyat Institutu 15 səhifədən artıq yazmaq istəməyib. Tənbəlləşib."

Filoloq alim, tərcüməçi Əziz Şərif

filoloq alim, tərcüməçi Abbas Zamanova

1968-ci ildə yazdığı məktubda deyir:

Əziz Şərif

Əziz Şərif

...Çalış, əzizim. Bizə nə qalsa, vicdanla çalışmaqdan qalacaq, bizi də çox yaşadacaq.

Mədəniyyətimizin divarına qoyduğumuz hər bir kərpiç bizə fərəh verəcək ki, bu da ömrümüzü uzadacaq.

Yüz yaşına qədər biz nə qədər iş görə biləcəyik... Biz çalışmalıyıq ki, bugünkü fəaliyyətimizdə gözüaçıq olaq, elə hərəkət edək ki, bizdən sonra gələnlər illər uzunu bizi yada salıb ha deməsinlər: Ölülər, ölülər!

Bəli, əzizim!
Sən akademiya prezidumunun qərarını mənə göndərmişdin. Azərbaycanın Nizami muzeyi haqqında qərarını. Bu qərar hansı dildə yazılmışdır?

Heç kəs bizi öz dilimizi unutmağa məcbur eləmir. Biz özümüz, öz xoşluğumuzla, öz iradəmizlə mənliyimizi heçə veririk. Çünki biz "ölülərik!"

Gürcü akademiyası, erməni, Ukrayna, belarus, Litva, Latviya və sair milli akademiyalarının heç biri öz qərarını başqa dildə, hətta Puşkin və Lenin dilində yazmazdı, çünki hər millətin öz dili var, xalq dili var...

Bu gün biz öz mənliyimizi anlamamışıqsa, bütün parlaq keçmişimiz bizə haram olsun. Biz onlara layiq övlad deyilik. Çünki heç kəs bizi öz dilimizi unutmağa məcbur eləmir. Biz özümüz, öz xoşluğumuzla, öz iradəmizlə mənliyimizi heçə veririk. Çünki biz "ölülərik!" Dərd burasındadır. Milli faciə burasındadır...

Biz hələ Hacı Həsən donundan çıxmamışıq, aramızda zırramalar istədiyin qədərdir, bir sürü doktor və namizədimiz olduğu halda alimimiz az, çox azdır. Bu, həqiqətdir. Bunu anlamayınca, biz ayılmayacaq, gözümüzü açmayacaq, irəli bir addım da atmayacağıq. Mən mübaliğə etmirəm. Bu, həqiqətən belədir.

Bircə misalla səni inandıra bilərəm, çoxmillətli sovet ədəbiyyatının Moskvada çap olunan tarixindəki səhifələrə bax. Bu tarixin 1932-1941-ci illərə aid səhifələrini hesabla. Bu dövrdə Azərbaycan ədəbiyyatı qaynar həyat keçirirdi: Cabbarlı, Cavid, Mir Cəlal, Süleyman Rüstəm, Vurğun, Mirzə, Mehdi, S. Rəhimov, S. Rəhman, Əbulhəsən...

Bu dövrə tarixdə 15-cə səhifə yer verilmişdir. Erməni ədəbiyyatına isə (yenə bu dövrə) 45 (üçqat artıq) və gürcü ədəbiyyatına 51 səhifə yer verilmişdir.

Niyə belə olub? Ona görə ki, Nizami adına Ədəbiyyat Institutu 15 səhifədən artıq yazmaq istəməyib. Tənbəlləşib. Nəticədə isə bizim zəngin ədəbiyyatımız yoxsul göstərilib.

23 iyul 1968

"Azərbaycan" jurnalı

Günün bütün mövzuları

Şərhləri göstər

XS
SM
MD
LG