Keçid linkləri

logo-print
2016, 03 Dekabr, şənbə, Bakı vaxtı 13:58

Misir təyyarəsini qaçıran şəxs təyyarəni Kiprə endirib.

Bu barədə martın 29-da Misir radiosu xəbər yayıb.

Təyyarə Larnaki beynəlxalq hava limanına enib.

Misirin mülki aviasiya naziri Sherif Fathinin sözlərinə görə, o təyyarədə olan 3 sərnişin və 4 heyət üzvündən başqa hamını azad edib.

Məlumata görə təyyarədə 55 sərnişin olub.

Misir Mülki Aviasiya İdarəsinin məlumatına görə, o İsgəndəriyyədən Qahirəyə uçan təyyarənin Kiprə düşməsini tələb edib.

Hələlik hadisənin motivi bəlli deyil. Onun üstündə partlayıcı olub-olmaması da bəlli deyil.

Amma Kipr hökuməti bunun terrorla bağlılığı olmadığını bəyan edib.

Kipr KİV-lərinin məlumatına görə təyyarəni qaçıran şəxs Kiprdə yaşayan keçmiş həyat yoldaşı ilə əlaqə yaradılmasını tələb edib.

Misirin dövlət informasiya agentliyi onun Misir vətəndaşı İbrahim Samaha olduğunu bəyan edib.

Məlumata görə o İsgəndəriyyə Universiteti Tibb və Veterinar fakultəsinin professorudur.

Başqa məlumata görə isə o Misir vətəndaşı deyil və Kiprdən sığınacaq istəyib.

Araşdırma gedir.

Günün bütün mövzuları

XS
SM
MD
LG