Keçid linkləri

2016, 07 Dekabr, çərşənbə, Bakı vaxtı 22:41

Partiya quruculuğuna start verən Respublikaçı Alternativ (ReAl) hərəkatında yeni kadr təyinatları olub. Bu haqda hərəkatın press-relizində xəbər verilir.

Martın əvvəlində yaradılan təşkilat komitəsinin hazırda həbsdə olan sədri İlqar Məmmədov yeni təyinatlarla bağlı təqdimat verib. Təqdimatlara əsasən Azər Qasımlı ictimai-siyasi məsələlər, Natiq Cəfərli təşkilati məsələlər, Erkin Qədirli konseptual məsələlər, Xalid Bağırov isə hüquqi məsələlər üzrə katib təyin edilib.

2008-ci ildə təsis edilmiş Respublikaçı Alternativ hərəkatına İlqar Məmmədov rəhbərlik edir. İlqar Məmmədov 2013-cü il yanvarında İsmayıllıda kütləvi iğtişaşların təşkili ittihamı ilə həbs edilib. Şəki Ağır Cinayətlər Məhkəməsinin hökmü ilə O, 7 il müddətinə azadlıqdan məhrum edilib.

Avropa İnsan Hüquqları Məhkəməsi (AİHM) 2014-cü ilin mayında İlqar Məmmədovun Konvensiyanın 5-ci (azadlıq və şəxsi toxunulmazlıq hüququ), 6-cı (ədalətli məhkəmə hüququ) və 18-ci (hüquqların məhdudlaşdırılması hüdudları) maddələrində nəzərdə tutulan hüquqlarının pozulduğunu etiraf edib.

AŞ Nazirlər Komitəsi bir neçə dəfə Azərbaycan hökumətini İlqar Məmmədovla bağlı Strasburq məhkəməsinin qərarını yerinə yetirməyə çağırıb.

Günün bütün mövzuları

XS
SM
MD
LG