-
Ölkə əhalisi təkcə 2016-cı ilin ilk 2 ayında kreditlərə görə banklara 155 milyon manat ödəyib.
Marja-nın Dövlət Statistika Komitəsinə istinad olunan xəbərinə görə, bu göstərici banklara hər gün orta hesabla 3 milyon manata yaxın faiz ödənilməsi deməkdir.
Statistika Komitəsinin məlumatına görə, yanvar-fevral aylarında əvvəlki ilin uyğun dövrü ilə müqayisədə əhalinin gəlirləri artıb. Gəlirlərin, azı, 10 faiz artaraq 6 milyard 459 milyon manatı keçdiyi bildirilir.
Gəlirlərin 81 faizi son istehlak xərclərinə, 10 faizi vergilərin, sığorta və üzvlük haqlarının ödənilməsinə sərf edilib. Bundan başqa, gəlirlərin 2 faizi və ya təxminən 155 milyon manatı kreditlər üzrə borcların ödənilməsinə sərf edilib.
Ötən il ölkədə iki dəfə devalvasiya gedib. Bu devalvasiya nəticəsində manat dollar qarşısında iki dəfə dəyər itirib.
