Keçid linkləri

2016, 07 Dekabr, çərşənbə, Bakı vaxtı 22:16

-

Türkiyənin «Tubil» xalq rəqsləri ansamblı Novruz bayramı günlərində Şəki musiqisevərlərinin qonağı olub.

AZƏRTAC xəbər verir ki, Sabit Rəhman adına Şəki Dövlət Dram teatrında keçirilən konsertdə şəhər rəhbərliyi, musiqisevərlər iştirak ediblər.

Konsertdən əvvəl Türkiyənin Azərbaycandakı səfirliyinin mədəniyyət və tanıtma müşaviri Murat Karaçanta çıxış edərək şəkililəri Novruz bayramı münasibətilə təbrik edib. O, bildirilib ki, konsertin Şəkidə keçirilməsi heç də təsadüfi deyil. Çünki bu şəhəri TÜRKSOY 2016-cı il üçün «Türk dünyasının mədəniyyət paytaxtı» seçib.

Sonra Türkiyənin Mədəniyyət və Turizm Nazirliyinin «Tubil» xalq rəqsləri ansamblı konsert proqramı ilə çıxış edib. Kollektivin təqdim etdiyi türk xalq rəqslərinin böyük maraqla qarşılandığı bildirilir.

Şəkidən əvvəl kollektiv bu proqramla Gəncədə və Tovuzda da konsertlər verib. Növbəti konsertlər Bakı və Naxçıvan şəhərlərində təşkil olunacaq.

Günün bütün mövzuları

Şərhləri göstər

XS
SM
MD
LG