-
Pakistan keçmiş prezident Pervez Musharraf-ın ölkədən çıxmasına yaşıl işıq yandırıb.
«General Musharraf-ın vəkilləri müvafiq ərizə təqdim ediblər və Ali Məhkəmənin qərarına uyğun olaraq, hökumət ona xaricə müalicəyə getməyə icazə verib», - daxili işlər naziri Chaudhry Nisar Ali Khan martın 17-də deyib.
Musharraf artıq ötən gecə Dubaya uçmalıydı.
Khan deyib ki, vəkillər Musharraf-ın altı həftədən sonra ölkəyə qayıdacağına, məhkəmə qarşısına çıxacağına zəmanət veriblər.
Vəkillərin sözlərinə görə, o, Pakistanda mümkün olmayan əməliyyata görə xaricə getməlidir.
Musharraf-a qarşı ittihamlardan biri vətənə xəyanətdir. O, 1999-cu ildən 2008-ci ilədək hakimiyyətdə olub. 2008-ci ildə Pakistanı tərk etmiş Musharraf 2013-cü ildə seçkidə iştirak məqsədilə qayıdıb, ancaq çıxışına qadağa qoyulub və məhkəmə qarşısına çıxarılıb.