Keçid linkləri

2016, 10 Dekabr, şənbə, Bakı vaxtı 09:09

-

Bakının Səbail rayonunda zəncirvari yol qəzası baş verib.

APA informasiya agentliyinin xəbərinə görə, hadisə Xaqani küçəsində qeydə alınıb. Sürətlə hərəkətdə edən "BMW X6" markalı avtomobilin sürücüsünün idarəetməni itirdiyi bildirilir. Nəticədə yol kənarında dayanan 6 avtomobil əzilib və işıq dirəyi aşıb. Qəza zamanı 7 nəfər xəsarət alıb. Onlardan üçü İran İslam Respublikasının vətəndaşlarıdır. Yaralılar xəstəxanaya çatdırılıblar. Həkimlər yaralılardan üçünün vəziyyətinin orta ağır olduğunu bildiriblər. Digərlərinin xəsarətləri isə nisbətən yüngül olub.

İlkin iddialara görə, hadisəni törədən "BMW X6" eyni markalı başqa bir avtomobillə ötüşürmüş. Qəza da bu zaman baş verib. Avtomobillər cərimə meydançasına aparılıb. Faktla əlaqədar araşdırmalara başlanılıb.

Günün bütün mövzuları

XS
SM
MD
LG