Keçid linkləri

2016, 10 Dekabr, şənbə, Bakı vaxtı 13:11

-

APA xəbər verir ki, prezident İlham Əliyev IV Qlobal Bakı Forumundakı çıxışında enerji məsələlərindən bəhs edib. O deyib ki, neftin qiyməti uzun müddət aşağı səviyyədə qalmayacaq:

«Cənub Qaz Dəhlizi XXI əsrin nəhəng layihəsidir. Biz ölkə və şirkətlərdən komanda formalaşdırmışıq. Məşvərət Şurası bu layihənin həyata keçirilməsi üçün vacibdir».

Dövlət başçısı deyib ki, layihə Bakıdan İtaliyaya qədər uzanacaq: «Fevralın 29-da 11 ölkə, o cümlədən Avropa Birliyinin imza atdığı sənəddə Azərbaycan bu strateji layihəni həyata keçirən əsas ölkə kimi qeyd edildi. Xorvatiya və Monteneqronun da bu layihəyə, komandaya qoşulacağına inanıram. Bu, enerjinin şaxələndirilməsi, azad rəqabət layihəsidir. Əsas məqsədimiz bunu kommersiya layihəsi kimi həyata keçirməkdir. Enerji siyasi vasitə kimi istifadə edilməli deyil. Siyasi alətlər biznes sahəsinə müdaxilə etməməlidir. Neftin qiyməti uzun müddət aşağı səviyyədə qalmayacaq. Avropada təbii qaza ehtiyac artacaq. Biz lazım olmayan rəqabətdən qurtulmalıyıq. Enerji və siyasətə ayrılıqda baxmalıyıq ki, uğur qazanaq».

3500 km uzunluğunda olacaq Cənub Qaz Dəhlizi boru xəttinin inşasının 2020-ci ildə başa çatacağı gözlənilir.

Günün bütün mövzuları

XS
SM
MD
LG