-
«Google Docs» onlayn mətnhazırlama xidmətinə yeni funksiya artırılıb.
Bu barədə xidmətin rəsmi bloqunda məlumat verilir.
Yeniliyə əsasən, istifadəçi səsin köməyi ilə həm mətni yığa, həm də onu redaktə edə bilər.
Xidmətə mətnin səslə daxil edilməsi 2015-ci ilin sentyabrından çatımlıdır.
Səslə redaktə, hələ ki, yalnız ingilis dilində mümkündür.
Səsli əmrlərin köməyi ilə sözü seçmək, yeni abzasdan başlamaq, bu və ya digər sözü əvəzləmək, köçürmək, mətni qalınlaşdırmaq, hətta «smayl» əlavə etmək olar.
Yenilik yalnız fərdi kompüterdən istifadə zamanı əlçatandır.