-
SOCAR və «Transneft» bu il martın 1-dən Azərbaycan neftinin Bakı-Novorossiysk neft kəməri ilə nəqlinə dair müqavilə imzalayıblar.
Bunu Rusiya boru kəməri monopoliyası prezidentinin müşaviri Igor Demin «Neft» İnformasiya Agentliyinə bildirib: «Müqaviləyə uyğun olaraq martın 1-dən nəqlə başlayacağıq».
Azərbaycan 1997-ci ildən öz neftini Bakı-Novorossiysk boru kəməri ilə nəql edir. Azərbaycan Dövlət Gömrük Komitəsinin məlumatına görə, 2015-ci ildə Azərbaycan Dövlət Neft Şirkəti şimal boru kəməri ilə 1.2 mln. ton neft ixrac edib.
«Transneft» ilə ilin əvvəli üçün müqavilə olmadığından SOCAR yanvar-fevral aylarında bu marşrutla xammal ötürməyib.