Keçid linkləri

2016, 08 Dekabr, Cümə axşamı, Bakı vaxtı 04:20

-

Hələb şəhərindən qaçan 20 min suriyalı Türkiyə sərhədinə sığınıb.

Bu haqda BMT-nin humanitar yardım rəsmilərindən olan Linda Tom məlumat verib.

Qaçqınlar Bab-el Selam sərhəd xəttinə yığışıb.

Bab-el Selam Türkiyənin Kilis bölgəsinin Öncepınar sərhəd məntəqəsinin Suriya tərəfində yerləşir.

Linda Tom humanitar yardım təşkilatlarını müharibəyə görə evlərini tərk etmiş adamlara kömək göstərməyə çağırıb: «Ancaq atışmalar Türkiyədən bu bölgələrə yardım çatdırılmasını çətinləşdirir».

Rusiya hərbi təyyarələrinin də dəstək verdiyi Suriya ordusu fevralın 1-dən Hələbin şimalına güclü zərbələr endirməyə başlayıb.

Türkiyənin baş naziri Ahmet Davutoğlu isə deyib ki, Hələbdən qaçan 60-70 min adam Türkiyə sərhədinə sığınıb.

İndiyə qədər Türkiyəyə 2 milyon yarım suriyalı qaçqın gəlib.

Günün bütün mövzuları

XS
SM
MD
LG