Keçid linkləri

2024, 28 Mart, Cümə axşamı, Bakı vaxtı 15:08

Soyulmalı idi ürəyim meydan boşqabında


Reza Nouri
Reza Nouri

Arazın o tayından şeirlər

-

Rza Nuri

Şeirlər

1

Soyulmalı idi ürəyim

Meydan boşqablığında

Etirazlara son qoysunlar deyə

Əllərini qanla yumuşdu başdanxarab sətirlər

Küçələri çəkib düymələdiyində

Boğazda qovuq şişirdi

Şişirdi dedim?

Dərviş zurnasına

Boğar boğmaz sıxlar

Qulaqda dolanan min yollara

Minirdi səslər

Qara küləy

Köynəyimin yaxasın yırtıb

Səki boşluğuna uçurdu

Bağırdıq

Bağıraraq dikəldik

Dərindən quşqulandıq

Dərindən gön dər ildik

Və qabıq verdi səsimiz

Bulvar boyunca

Aslanırdı işıqlar dirəklərə

Gəlinlik paltarla

Səhərə çıxar çıxmaqlığımız.

2.

Rəsimlənir dışarı

Şüşəli evlərdən

Avtobuslar geyinir küçələrə

Geyindiyim otaqlar sayağı

Qarabasmaya yaxın qaradır

Print etdiyin

Adamlar

Qırxayaqlılar kimi

Parad keçirir

Dişimdən beynimə

3.

Keçmişi asla asqıdan

Yellən

Divanın dadı əynindən dağılsın havaya

Damənin eyvanına günəş qalxanadək

Yellən

Küləyin beytinə çevrilsin saçların

Pilləkanla birgə en

Qapılara addımların səsi yapışıb

Döy

Döyün

Döyüntünü ürəyimlə nəfəs alıram

Döy

Kibrit çəkən kimi

Dodaqlarımla gövdənə

4.

Elşən Böyükvəndə ithaf

Öpüşlərindən əzbər oldum sevgini

Leyliləşdim

Aşıb-daşdı başdan başla

Saçlarının daşdığını ürəkbulanmasıdan

Və bulaq nədir ki?

“düşəndə xatirimə zülfü-ənbər əfşanin”

Ayaqüstə dayanıb

Bir dəqiqə sükut et

Şeirin ölümünə

XS
SM
MD
LG