Keçid linkləri

2016, 07 Dekabr, çərşənbə, Bakı vaxtı 12:56

-

Bakının Sabunçu rayonunda qarət olunmuş evdən 50 min manatlıq dəyərində qızıl-zinət əşyası aparılıb. APA informasiya agentliyi xəbər verir ki, hadisə Maştağa qəsəbəsi, Savalan yaşayış massivində qeydə alınıb. Həsən Həsənova məxsus fərdi yaşayış evi qarət olunub.

Ev sahibinin sözlərinə görə, bayramlaşmaq üçün qohumlarıgilə getdiklərindən hadisə zamanı evdə heç kəs olmayıb. Təxminən 5 gün ərzində kimsəsiz qalan evə oğrular gəlib. Pəncərələrdən birinin dəmir barmaqlıqlarını kəsərək evə daxil olan oğrular otaqları alt-üst ediblər.

Ev sahibinin qohumu Südabə Məmmədovanın sözlərinə görə, oğrular evdən təxminən 50 min manatlıq qızıl-zinət əşyalarını aparıblar: "Bura qardaşımın evidir. Bacımın qızları tələbədirlər, bu evdə qalırlar. Onlar dekabrın 30-da bayrama görə rayona gediblər. Yanvarın 3-də rayondan qayıdıblar və görüblər ki, pəncərəni sındırıb evə giriblər. Otaqların üçünü də dağıdıblar. Evdən 50 min manatlıq qızıl-zinət əşyalarını aparıblar".

İçəridə digər qiymətli əşyalar olsa da, oğrular pul və qızıl axtarıb. Aparılmış qızıl-zinət əşyalarının da qohum ailələrə məxsus müştərək əmlak olduğu bildirilir. Artıq oğurluqla bağlı Sabunçu RPİ-nin 14-cü polis bölməsi də məlumatlandırılıb.

Faktla bağlı araşdırmalar aparılır.

Günün bütün mövzuları

XS
SM
MD
LG