Keçid linkləri

2024, 29 Mart, Cümə, Bakı vaxtı 08:58

Alyoşa. Hamısında da qapı var, bismillah


Alyoşa
Alyoşa

-

Sözləşmə

mən günahkar meşədə ağac olmaqdan qorxuluyam, ki

quşlar inanar budaqlarıma və yuvaya salarlar sabahları

düşər hər yerimə dəlinmiş dəmirlər rəsmi tarixi,

əzbər doğar şagirdlər müəllimlər tənəffüslər

susmaq sözünə gömülmüş bütün meşələrim bir də

və heç vaxt da səni danışmayacaq qorxumdan

məni böyüdən sözlərə deyiləcək qorxum var ki

onlarda yumulub ağzım, şərh-i bəyanım qatil arzusunda çin olmuş qandı

dolaşmaqda bu məsum topoqrafiya

bizi bizə ayıran bütün məsafələr insanlığa sərhəd

ilişər bir uşaq oyunu, yırtılar dünya ən nağıl səhnəsindən

oğruya həbs edilmiş bədənlərə təkcə bir göyərçinmi ağ görünər?

sən deyil bir dövrün, zülmün sonunu daşıyırsan ağzında, bağır

qanadlarımız var.

Məsafə

nə vaxt oyandımsa qıl körpüsündə gördüm aşağıları

düşmə qorxusuna yazılmış bir kitabdan yüksələn

müqəddəs rəng hər şeyi bilirdisə,

bütün çəkilər təkliyin fil yerişidir və mənzil

iki qadın arasında məsafənin kişi Sizif əbədiliyi,

birinin bətnində dünyası, kor bir dənizin rənginə axacaq

birinin yatağı bətni, zamanın hənirti şəkli uzanmaqda hər yerinə

budur, təsir əks təsirin əksinə tərsdir, amin!

bu əyri məsafədə evi olan bir adam hər gecə bir qadının dərisinə yuxlayacaq

uşaqlara böləcək onu ki, dirilsin məsafə, səsləşsin bədənlər.

götürüb zamanı saxlasın və!

yenidən bu zamana oyansa, o göz deyilən oxusa əşyasızlığı

əgər yoxdursa yanında hənirti, çıxıb ulduzlara baxar ki,

bizə hələ son ümid budur, hələlik!

Amin

Amin, feilin indiki halında uçan quş ölümdən qorxmur

onu bir tanrı tapacaq şəhərin göbəyin kəsərkən

bizi nə vaxt əhilləşdirdi bu qədər bina

hamısında da qapı var, bismillah

mən adam oldum da anamın bətnini sənin yatağında tərk etdim

o qədər uzaqdan gəldim ki, yol oldum ...

məni allah bilir bir də nə vaxt öldürəcəksən,

taksilərəvəbarlaraböldürəcəksənhəyatımı

allah bilir, nə etsəm ayələnər

Sabaha bir adam qalmış

göyə açılmış ən böyük qapıydı gözləri, cırıldadı

və atasına oxşayan fotosunu çəkdi anası,

həyata dair arzular yazıldı dualara

“uşaqlar kəpənəkdən düşüb

oynayırdılar çiynində”

və lakin

yaşayış yerindən arayış boşalan masaları

götürüb sevdiyi qızın qarnına bələdi

burada bir söz deyilirdi

...

sadəcə bu günü vardı

günəşdən yanan tarlaların səssiz axınından

hara qaça bilərdi bu evin quzeyə baxan pəncərəsiylə

durdu

bir siqaret yandırıb çıxdı torpaqdan

söz olmalıydı ən azından bu günlük cinayət

pəncərədən gözləyən tarixə əlavə olaraq

daha yazılmalıydı gəlinlər döl yollarından

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG