-
«Formula-1» Avropa Qran-Prisi ilə bağlı hazırlıq işləri çərçivəsində Bakının mərkəzi küçələrində təmir-tikinti işləri aparılır.
Nəqliyyatı İntellektual İdarəetmə Mərkəzindən verilən məlumatda belə deyilir.
Yanvarın 5-də asfalt örtüyünün təmiri ilə əlaqədar Neftçilər prospektinin Zərifə Əliyeva prospekti ilə kəsişməsindən Puşkin küçəsi ilə kəsişməsinədək olan hissəsində yolun iki zolağında nəqliyyat vasitələrin hərəkəti məhdudlaşdırılıb.
Buna görə də Rəşid Behbudov küçəsinin Zərifə Əliyeva prospekti ilə kəsişməsində yerləşən işıqfora sarı döyünən işıq əmri tətbiq edilib.
Avropa Qran Prisi bu ilin iyununda keçiriləcək.