Keçid linkləri

logo-print
2016, 04 Dekabr, bazar, Bakı vaxtı 04:21

-

Son devalvasiyadan sonra bankomatlardan dollar nağdlaşdırmaq çətinləşib. AzadlıqRadiosu ilə əlaqə saxlayan Bakı sakinləri bankomatlardan dollar nağdlaşdıra bilmədiklərini deyirlər. Özəl səbəblərdən adının açıqlanmasını istəməyən sakin deyir ki, bu sabah – dekabrın 25-də «Bank Standard»a məxsus bankomatlardan dollar çıxara bilməyib. Bunun səbəbini öyrənmək üçün banka müraciət edən vətəndaşa belə deyiblər: «Hazırda bankomatlara dollar doldurulmur. Müəyyən məhdudiyyətlər var».

Bankdan onu da bildiriblər ki, şəxsiyyət vəsiqəsini götürüb pulunu filiallardan əldə edə bilər.

«BANKLAR QORXUR...»

Bank məsələləri eksperti Əkrəm Həsənov deyir ki, banklar devalvasiyanın 3-cü dalğasından və müştərilərin ödəniş qabiliyyətsizliyindən qorxur: «Qeyri-müəyyənlik çoxdur. Əsas səbəb də elə odur».

Ekspert belə davranmaqla bankların qanunvericiliyi pozmadığını söyləyir: «Onların yalnız manatla əməliyyat aparmaq vəzifəsi var. Hər hansı xarici valyutadan istifadə edib-etməmək öz işləridir».

«...ONA GÖRƏ DƏ VALYUTA ƏMƏLİYYATLARINI MƏHDUDLAŞDIRIBLAR»

İqtisadçı ekspert Samir Əliyevin fikrincə, valyuta riskini düzgün yönəltmədiklərindən əksər bankların valyuta mövqeyi pozulub: «Devalvasiyadan sonra zərərə düşüblər. Ona görə də, valyuta əməliyyatlarını məhdudlaşdırıblar».

Ekspert özəlliklə manatın üzən məzənnəyə keçməsindən bəri onun sabitliyinə inamın azaldığını bildirir: «Gözlənti - dəyərsizləşmənin davam etməsidir. Güclü dollar alışı var. Bu səbəbdən banklar ehtiyatlı davranır».

Günün bütün mövzuları

Şərhləri göstər

XS
SM
MD
LG