Keçid linkləri

logo-print
2016, 03 Dekabr, şənbə, Bakı vaxtı 23:51

Rusiyanın “RBK” media holdinqi prezident Vladimir Putinin kürəkəni olduğu iddia edilən 33 yaşlı iş adamı Kiril Shamalovun işini araşdırıb.

Reuters agentliyinin məlumatına görə, o Putinin qızı Katerina Tikhinovanın həyat yoldaşıdır.

Shamalovla Tikhinovanın holdinqlərdə 2 milyard dollaradək payları olduğu və bunun əsas hissəsinin “Sibur” şirkətinin aksiyalarında olduğu bildirilir.

“RBK-nın məlumatına görə, Shamalov 2008-ci ildə 26 yaşında “Sibur” holdinqinin vitse-prezidenti olub,

2014-cü ildə holdinqin aksiyalarını alıb.

O bu işdə atasının ona kömək eləməsi barədə iddiaları rədd edir.

Kiril Shamalovun atası Nikolay 2011-ci ildə Forbesin varlı biznesmenlər siyahısına düşüb. O 2014-cü ildə Avropa Birliyinin sanksiyalar siyahısına salınıb.

“RBK” yazır ki, Nikolay Shamalov Putinin yaxın ətrafına daxil olduğuna görə sanksiyalara düşüb və o “Ozera” kooperativinin təsisçilərindən biridir.

Çinin “Sinopec” şirkəti dekabrın 17-də “Sibur” holdinqinin səhmlərinin 10 faizini alıb və bu Nikolay Shamalov bu sövdələşmənin iştirakçılarından biridir.

Reuters agentliyi şahidlərə istinadla verdiyi məlumata görə, 2013-cü ilin fevralında Kiril Shamalovla Keterina Tikhinovanın toyu olub.

Mərasim Sankt Peterburq ətrafındakı qış “İqora” kurortunda ciddi mühavizə altında və məxvi keçirilib.

Vladimir Putin dekabrın 17-də keçirdiyi illik konfransda Katerina Tikhinovanın onun qızı olub-olmaması ilə bağlı suala cavabdan yayınıb.

Günün bütün mövzuları

XS
SM
MD
LG