Keçid linkləri

2016, 08 Dekabr, Cümə axşamı, Bakı vaxtı 04:36

Dələduzluqda ittiham olunan keçmiş tanınmış futbolçusu Maşallah Əhmədov barəsində həbs qətimkan tədbiri seçilib.

APA-nın məlumatına görə, Binəqədi Rayon Məhkəməsinin qərarı ilə Maşallah Əhmədov barəsində 3 ay müddətinə həbs qətimkan tədbiri seçilib.

O Bakı İstintaq Təcridxanasına göndərilib.

Keçmiş futbolçu dələduzluqda ittiham olunur.

Bakı şəhər sakini Fəqan Cəfərov 2012-ci ildə polisə müraciət edərək, M. Əhmədovun ona məxsus sexdən 72 min manat dəyərində üzlük piltə götürdüyünü və pulunu ödəmədiyini bildirib.

Faktla bağlı cinayət işi başlanıb.

Amma həmin cinayət işinin başlamasından 3 il keçməsinə baxmayaraq, MaşallahƏhmədov pulu hələ də ödəməyib.

Bu il dekabrın 14-də isə Binəqədi polisinə onunla bağlı daha bir şikayət daxil olub.

Bakı şəhər sakini Yusif Əzizov Maşallah Əhmədovun ondan 105 min manat dəyərində mərmər daşı götürdüyünü, pulunu ödəmədiyini deyir.

Bundan başqa o Yusif Əzizovdan oğlunu işə düzəltmək adı ilə 15 min manat alıb və bunu eləməyib.

Hazırda istintaq gedir.

Günün bütün mövzuları

XS
SM
MD
LG