-
Küçə rəssamı, dünyanı dolaşaraq müharibə, uşaq fəlakəti, yoxsulluq, iqlim mövzularında divar rəsmləri çəkən Banksy Fransada, xalq arasında "Calais cəngəlliyi" adlanan miqrant düşərgəsininn divarında yeni rəsm çəkib.
Yeni graffiti amerikalı texnoloq və ixtiraçı, “Apple”-ın keçmiş rəhbəri Steve Jobs’u miqrant kimi təsvir edir.
Onun çiynində qara torba, əlində Macintosh kompüternin köhnə versiyası var.
Steve Jobs’un bioloji atası Suriya miqrantı olub.
Jobs’un bioqrafiya kitabını qələmə alan yazıçı Walter Isaacson yazır ki, komputer dahisinin bioloji atası Suriya ərəbi Abdulfattah Jandali nüfuzlu ailədə doğulmuşdu, onlar ABŞ-a köçmüş və Abdulfattah Jandali ABŞ-da təhsil almışdı.
Banksy’nin yeni rəsmini sözə çevirməli olsaq, o, demək istəyir:
“Bu düşərgədəki suriyalı uşaqlar arasında stevejobslar ola bilər."
