-
«Günəşli» yatağındakı 10 saylı dərin dəniz özülündə baş vermiş qəzanın nəticələrinin aradan qaldırılmasına cəhd göstərilir.
Hazırda Fövqəladə Hallar Nazirliyinin «Vixr-5» və «Vixr-8» tipli 2 gəmisi yanğının söndürülməsi, 4 helikopteri və «B-200ÇS» təyyarəsi isə itkin düşənlərin axtarışını aparır.
Həmçinin, nazirliyin Dövlət Sularda Xilasetmə Xidməti və Xüsusi Riskli Xilasetmə Xidmətinin qüvvələri sahilboyu müşahidə işləri aparır.
Xəbəri Fövqəladə Hallar Nazirliyi yayıb.
Dekabrın 4-də «Günəşli» yatağındakı 10 saylı platformada sualtı qaz xəttində yanğın başlayıb, nəticədə 23 nəfər itkin düşüb, 7 nəfər ölüb.