Keçid linkləri

2016, 09 Dekabr, Cümə, Bakı vaxtı 02:18

-

Ermənistan prezidenti Serz Sargsyan dünən millətçi yazıçı-publisist, Ermənistanın əməkdar incəsənət xadimi Zori Balayanla görüşüb. Görüşdə Rusiyadan Zori Balayanın 80 illiyi münasibətilə Yerevana gəlmiş bir qrup rus yazıçısı da iştirak edib.

Bu yaxınlarda Rusiyanın “Xudojestvennaya rabota” nəşriyyatı Zori Balayanın səkkiz cildlik kitabını nəşr edib. Bu kitab “Rusiya-Ermənistan dostluq qrupu”na daxil olan yazıçıların təşəbbüsülə çap olunub.

Ermənistan prezidenti Zori Balayan haqda xatirələrini danışıb, onu 80 illik yubileyi və çoxcildliyinin nəşr edilməsi münasibətilə təbrik edib, onu "Qarabağ Hərəkatının ilham mənbəyi, lider və ideoloq" adlandırıb.

Zori Balayan

Zori Balayan

Zori Balayan 1980-ci illərin əvvəlində yazdığı "Ocaq" kitabına görə, Azərbaycanda və Türkiyədə millətlərarası münaqişəni alovlandıran şəxs kimi tanınır.

Bu kitabda Balayan Qarabağ və Naxçıvanın qədim erməni torpağı olduğunu iddia edirdi.

Kitabda "türklər və azərbaycanlılar həm Rusiyanın, həm də Ermənistanın düşmənidir" kimi cümlələr var.

Britaniyalı jurnalist Tomas de Vaalın fikrincə, Z.Balayan bu kitabı məhz Azərbaycanda narazılıq və etiraz dalğası yaratmaq məqsədi ilə yazmışdı.

1999-cu ildə Azərbaycan Baş Prokurorluğunun təqdimatı əsasında İnterpol Z.Balayanı xüsusilə təhlükəli cinayətkar kimi beynəlxalq axtarışa verib, 2001-ci ildə onu bu siyahıdan çıxarıblar.

Günün bütün mövzuları

XS
SM
MD
LG