Keçid linkləri

2016, 11 Dekabr, bazar, Bakı vaxtı 10:29

-

Alyoşa

Oturmuşuq

oturmuşuq, aramızda

yaşca bizdən böyük masa yığmış bədənimizi

keçmişi, unudulan duzqabından

gecikənin kiçik boşluğundan

aşmış qırmızıdan başqa nə?

oturmuşuq, küçə masamızın ayaqların axtarır

məhlədən enən bir gəmi pərdənin naxışına yan alır

dəniz o anın içində, bu fonu...

biz hələ də yerimizdə, içimiz dünyanı qurdalayır

yaşca bizdən böyük qapı səssizcə açır qırmızı xalatını

döşəməyə tökülüşən gülüşlər əllərimizi bürüyür

beləcə

(otaq, kişinin stansiyası, ümidli

yataq, qadının uşaqlıq oyunu, röyalı)

oturmuşuq üstümüzdə yaşca bizdən kiçik lampa

qədim bir işıq tökülür masaya

gecə, yaddaşın miladdan öncəsi

oturmuşuq, çay içirik

20.11.15

Beşmərtəbəli

Təkbaşına bir ağac ama durub baxır mənə əriyindən

Qorxusu korluq mən qarğanı uçuram uzaqda

Özümdən keçib bir şəhərə çatıram

Çılpaq o beşmərtəbəlinin sarı süzülən əynindən sənə atdım bədənimi

Ailə olmadı, heyifmi

ataları söndürür analar və yalannan yatırlar bədənlərində bu da heyifmi

o ağacın korluğu şəhərə girir gözümdən mən hələ də qarğaya

bir yalan uydururam, orda özümü güllələyib müharibə qalıram

oyanır qadın əlindəki ərikdən götürür budaqlarımı

bu qədər bəsdirmi oyan beşmərtəbəli soyuqdu

bir azdan qar yağacaq.

29.11.15

Günün bütün mövzuları

XS
SM
MD
LG