Keçid linkləri

2016, 08 Dekabr, Cümə axşamı, Bakı vaxtı 06:44

-

2016-2017-ci illərdə UNESCO-nun yubileylər proqramı çərçivəsində təşkilatın baş qərargahında Azərbaycanın görkəmli şəxsiyyətlərinin və əlamətdar hadisələrin yubileylərinin qeyd edilməsinə dair təklifləri qəbul olunub.

Mədəniyyət və Turizm Nazirliyinin yaydığı xəbərə görə, həmin illərdə Qazaxıstan, İran və Türkiyənin dəstəyi ilə Azərbaycanın təklifi əsasında böyük şair və mütəfəkkir İmadəddin Nəsiminin(1369-1417) vəfatının 600, Qazaxıstan və Türkiyənin dəstəyi ilə Molla Pənah Vaqifin(1717-1797) 300, eləcə də Cənubi Qafqazda alman yaşayış məntəqələrinin salınmasının (1817) 200 illik yubileyləri qeyd ediləcək.

Sonuncu yubiley təklifi Almaniyanın dəstəyi ilə Azərbaycan və Gürcüstan tərəfindən birgə təqdim edilib.

Bununla bağlı müvafiq qərar UNESCO-nun baş konfransının 38-ci sessiyası çərçivəsində qəbul olunub.

UNESCO görkəmli şəxsiyyətlərin və əlamətdar hadisələrin yubileylərini 1956-cı ildən qeyd edir.

İndiyədək Azərbaycanın bir sıra görkəmli şəxsiyyətlərinin, eləcə də «Kitabi-Dədə Qorqud» dastanının, «Leyli və Məcnun» operası və «Arşın mal alan» operettasının yubileyləri UNESCO tərəfindən qeyd edilib.

Təşkilatın 2013-2014-cü illər yubileylər proqramında Məhsəti Gəncəvinin 900, Üzeyir Hacibəylinin «Arşın mal alan» operettasının 100, Seyid Yəhya Bakuvinin vəfatının 550, yazıçı-dramaturq İlyas Əfəndiyevin 100 illik yubileylərinə həsr olunmuş tədbirlər yer almışdı.

Günün bütün mövzuları

XS
SM
MD
LG