Keçid linkləri

logo-print
2016, 04 Dekabr, bazar, Bakı vaxtı 14:18

-

Hüquq müdafiəçisi, keçmiş məhbus Vidadi İsgəndərli Azərbaycan vətəndaşlığından imtina edib. Hüquq müdafiəçisi vətəndaşlıqdan imtina haqqında ölkə başçısı İlham Əliyevə göndərdiyi müraciətin mətnini bir sıra KİV-lərə göndərib.

Müraciətdə Vidadi İsgəndərli vətəndaşlıqdan imtina etməsini son illər ərzində özünün təqiblərə məruz qalması, ölkədə özbaşınalığın hökm sürməsi və son seçkilərdə üzləşdiyi qanunsuzluqlarla əsaslandırıb. Hüquq müdafiəçisi özünün və ailə üzvlərinin hədə-qorxuya məruz qaldığını bildirib.

Yada salaq ki, Vidadi İsgəndərli 89 saylı Göyçay-Ağdaş seçki dairəsindən deputatlığa namizəd idi.

Hələ seçkidən əvvəl o, Mərkəzi Seçki Komissiyasına şikayət etmişdi ki, onun təşviqat aparmasına ciddi maneələr var. Ancaq MSK şikayəti əsasız saymışdı. Vidadi İsgəndərlinin seçkidən sonra da MSK-ya müraciəti daxil olub. Noyabrın 5-də bu müraciətə baxan MSK bu şikayəti də geri qaytarmışdı.

Vidadi İsgəndərli deyib ki, indi ailəsi ilə birlikdə xarici ölkələrdən birindən sığınacaq almaq niyyətindədir.

Günün bütün mövzuları

Şərhləri göstər

XS
SM
MD
LG