Keçid linkləri

logo-print
2016, 04 Dekabr, bazar, Bakı vaxtı 12:33

-

Rusiyada təyyarə qəzasında ölənlərə görə matəm günü elan olunub.

Oktyabrın 31-də Misirin Sinay yarımadasında qəzaya uğramış təyyarədə 224 nəfər həlak olub. Onların əksəriyyəti rusiyalılar idi.

İslam Dövləti silahlı qruplaşmasının yerli qanadı təyyarəni vurduğunu deyib. Ancaq Rusiya dərhal bu iddianı yalan adlandırıb. Misir rəsmiləri də təyyarənin vurulmasının və ya partladılmasına dair sübut olmadığını bildirib.

Hadisənin səbəbi bəlli deyil. Belə ki, hava şəraiti normal olub. Təyyarə Misirin Şarm- əl-Şeyx kurortundan Sankt Peterburqa uçurdu.

Hadisə yerində xilasedicilər işləyir.

Rusiya Fövqəladə Hallar Nazirliyi də misirli həmkarlarına köməyə gedib.

Bu, sovet və Rusiya aviasiya tarixində ən ağır qəza sayılır. 1985-ci ildə Özbəkistanda baş vermiş təyyarə qəzasında 200 nəfər ölmüşdü.

Günün bütün mövzuları

XS
SM
MD
LG