-
Yunanıstan istiqamətində Egey dənizində 22 mühacir batıb, onlardan 13-ü uşaqdır.
Yunanıstan sahil mühafizə xidmətinin verdiyi məlumata görə, mühacirləri daşıyan qayıqlardan biri Kalimnos, digəri Rodos yaxınlığında çevrilib. 144 adamı xilas etmək mümkün olub.
Aqatonissi adasının sahilində balıqçılar kiçik yaşlı mühacirin meyitini çıxarıblar.
Yunanıstanın baş naziri Alekis Tsipras Avropa Birliyini miqrant böhranını həll edə bilməməkdə ittiham edib.
Bu il Yunanıstana Yaxın Şərqdən 570 min miqrant və mühacir dəniz yolu ilə gəlib. Onlar Yunanıstan vasitəsilə Avropaya keçirlər.